Putin se obratio javnosti: Janukovič je i dalje predsjednik Ukrajine


Putin je, na prvoj konferenciji za novinare otkad je Viktor Janukovič napustio Kijev, ocijenio da se samo na jedan način se može procijeniti ono što se desilo u Kijevu i Ukrajini, “a to je antiustavno i oružano preuzimanje vlasti”.

Predsjednik Rusije je rekao da je ukrajinski parlament legitiman, ali vršilac dužnosti šefa države nije, i da je jedini legitimni predsjednik i dalje Janukovič.

Viktor Janukovič je, prema njegovim riječima, ispunio sve uslove sporazuma potpisanog 21. februara s predstavnicima opozicije i predao svu vlast.

Ukrajinski narod je želio promjene, ali ne smiju se ohrabrivati “nezakonite promjene”, rekao je Putin.

Postojala je prijetnja vojnim postrojenjima na Krimu od strane “radikalnih nacionalista”, tako da smo djelovali brzo, bez upotrebe sile, napomenuo Putin i dodao da će, ako ih bude, sve dalje akcije biće legitimne.

Putin je odbacio kritike Zapada zbog ruske akcije u Ukrajini, uz konstaciju da je bilo sumnji vezanih za legitimitet akcija Zapada u Iraku, Avganistanu i Libiji.

Povodom prijetnji uvođenja sankcija protiv Rusije, Putin je ocijenio da bi one bile “kontraproduktivne” i da bi nanijele štetu i Zapadu.

Putin je optužio Zapad za podršku “neustavnom puču” u Ukrajini i pružanje pomoći u obuci naoružanih demonstranata.

Putin je poručio da će Rusija pružiti finansijsku podršku ukrajinskom regionu Krimu.

Prema njegovim riječima, ruska vojna vežba na granici Rusije i Finske nije bila povezana s događajima u Ukrajini i da je bila planirana mjesecima unaprijed.

Dodao je i da je Janukovič pozvao Rusiju da upotrebi vojnu silu za odbranu Ukrajinaca, ali da je Moskva smatrala da je vojno angažovanje moguće samo u “izuzetnim” slučajevima.

Komentari