24. 11. 2020.
Originalno ime za dijete? Možda i nije dobra ideja

Originalno ime za dijete? Možda i nije dobra ideja

Originalno ime za dijete? Možda i nije dobra ideja

Istraživanje je pokazalo da ljudi nesvjesno imaju više povjerenja u osobe čije ime im zvuči poznato i prepoznatljivo.
Rezultati novog istraživanja pokazuju da što je ime komplikovanije i teže za izgovor, veće su šanse da će njegov “vlasnik” imati određene probleme s njime

Statistike pokazuju da su Ivana i Ana, kao i Marko i Luka danas neuporedivo rjeđa imena nego samo koju deceniju ranije, a mnogi roditelji ulažu mnogo truda da svojoj novorođenoj bebi odaberu originalno ime, po mogućnosti rijetko, a vrlo često i neobično.

Jedno istraživanje je međutim pokazalo da to možda i nije toliko dobra ideja kako se na prvi pogled čini. Naravno, nema ništa loše u odabiru jedinstvenog imena, ali rezultati ovog istraživanja pokazuju da što je ime komplikovanije i teže za izgovor, to su veće šanse da će njegov “vlasnik” jednoga dana imati određenih problema s njime.

Pritom ne mislimo na sricanje i objašnjavanje svaki put kod predstavljanja, nego na nesvjestan lošiji prvi utisak njegove okoline. Naime, istraživanje koje je obuhvatilo veći broj ispitanika iz različitih djelova svjeta pokazalo je da ljudi nesvjesno imaju više povjerenja u osobe čije ime im zvuči poznato i prepoznatljivo.

“Iz jednog drugog istraživanja već znamo da ljudi više vjeruju aditivima za hranu ako imaju jednostavna imena nego onima koji imaju komplikovan, dugačak naziv ili nekakvu šifru. Zapravo uopšte nije problem u imenu kao takvom, nego ljudi generalno percipiraju nove i ‘teške’ stvari kao nešto sumnjivo, dok poznato i predvidljivo povezujemo s dobrim “, objasnila je Erin Nevman sa Viktoria univerziteta, Novi Zeland.

“Problem” je zapravo u dijelu mozga koji je zadužen za instinkte poput onoga za preživljavanje, na koji svjesno ipak možemo uticati – pod uslovom da znamo kako djeluje. Ali, s druge strane, obzirom na broj novih i originalnih imena, moguće je da će ona u budućnosti biti toliko česta da jednostavno nikome više neće biti neobična – a time ni njihovi nosioci “sumnjivi”.

Dakle, ako želite da djetetu da date originalno ime, ne dozvolite da vas išta u tome spriječi – samo nemojte pretjerati. Aria je OK, ali Bregzit je možda ipak korak previše.

Microsoft napušta Windows Defender
Microsoft napušta Windows Defender