Sada je idealno vrijeme za branje ovih biljaka, dok su najljekovitije.
Proljeće je pravo vrijeme da iskoristimo blagodeti prirode, a tri biljke koje su naše bake nekada redovno koristile – kopriva, maslačak i zova – sada su na svom vrhuncu kada je u pitanju ljekovitost.
Kopriva – kraljica detoksikacije
Kopriva je bogata gvožđem, kalcijumom, magnezijumom, vitaminima C, A i K, kao i hlorofilom. Podstiče rad jetre i bubrega, izbacuje toksine, pomaže kod anemije i jača imunitet. Može se koristiti kao čaj, čorba ili pesto.
Zova – mirisni saveznik imuniteta
Zova cvjeta u maju i ima snažno protivupalno i antivirusno dejstvo. Pomaže kod prehlada, snižava temperaturu i olakšava varenje. Od nje se pravi sirup, čaj, a cvjetovi se mogu i pohovati. Prilikom branja treba izbjegavati zagađena mjesta, ne prati cvjetove vodom i sušiti ih u hladu.
Maslačak – jestiv od korijena do cvijeta
Maslačak pomaže varenju, izlučivanju žuči i detoksikaciji, dkeluje diuretički bez gubitka kalijuma. Bogat je vitaminima i antioksidansima. Koristi se za salate, med i kao čaj od korijena, koji može poslužiti i kao zamjena za kafu.
