Jedna mlada je nedavno oduševila korisnike društvenih mreža, kada je na dan svog vjenčanja, dok su svi već čekali početak proslave, napravila gest koji je dirnuo mnoge.
Naime, iako je vjenčanje već trebalo da krene, ona je odlučila da izdvoji vrijeme i ruku pod ruku sa vjerenikom posjeti svog djeda u bolnici.
U prelijepoj vjenčanici, sa osmijehom na licu ali i po kojom suzom u očima, otišla je da podijeli svoj trenutak sa voljenim članom porodice.
Kako se može vidjeti na sada već viralnom snimku, mlada je, u vjenčanici i sa bidermajerom u ruci, zajedno sa svojim vjerenikom ušla u bolničku sobu, gdje ju je dočekao njen djed, iznenađen i šokiran njenim gestom.
Pokušavajući da zadrži suze, mlada ga je nježno zagrlila, a potom su uslijedili i zajednički trenuci, uz fotografisanje.
Međutim, nakon što su završili razgovor i srdačno se pozdravili, mlada je napustila sobu i, dok je stajala u hodniku, nije mogla da zadrži emocije, te je počela jako da plače.
Video pogledajte ovdje.
Ovaj emotivan gest, pun ljubavi, rasplakao je i mnoge korisnike društvenih mreža.
“Ovo je Božiji dar. Prijava retkost za današnjicu. Sad unuci bakama i dekama kažu: ‘Hajde bre bježi, nemoj da me smaraš, ne znajući da im se u tim momentima srce cijepa na komade'”, “Imala sam ovakav slučaj u smjeni. Na odjeljenju noćna smjena dolazi mlada kuca na vratima da je pustimo da vidi svoju baku i da je ona vidi u vjenčanici. Kakve emocije su bile te večeri! Treba biti čovjek i u dobru i u zlu”, “Naše malom nekome znači mnogo! Živi bili mladenci! Deki brz oporavak!”, “Ja plačem, a vi?”, “Ovo je istinska ljubav i poštovanje. Da nije bilo njih, ne bi bilo ni nas”, “To je ljubav!!! Čuvajmo naše starije barem onoliko koliko su oni nas”, bili su samo neki od komentara ispod videa.
